کەشوهەوای چوار رووژ ئایندە لە عراق
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو سێشەممە، پاک و رووشنە وەگەرد لەکە ئەوریگ لەناوچەیل ناوڕاس و باکوور، و لە ناوچەی باشوور نیمچە ئەورە وەگەرد نمە وارانیگ رەسێدە وارانیگ ناوڕاسی و جاروبار تریشقە هاناوی، و پلەی گەرمی لە ناوچەی ناوڕاس نزیک رووژ وەرجەخوەیە، و لەناوچەی باکوور کەمیگ لە رووژیگ وەرجە خوەی بەرزترە، و لە ناوچەی باشوور کەمیگ لە رووژیگ وەرجە خوەی داوەزێد.
بەیاننامەگە وتیش: رووژ چوارشەممە لە ناوچەی ناوڕاس پاکە، و لە ناوچەیل باکوور و باشوور ئەورە وەگەرد لەکە ئەوریگ، و پلەی گەرمی لە گشت وڵاتەگە نزیک رووژ وەرجەخوەیە.
وتیش: رووژ پەنجشەممە پاکە وەگەرد لەکە ئەوریگ لە گشت ناوچەیل وڵاتەگە ، و پلەی گەرمی لە ناوڕاس و باشوور وڵاتەگە نزیک رووژ وەرجە خوەیە، و لە بەش باکووری کەمیگ بەرزترەو بوود.
بەیاننامەگە وتیش: رووژ جمعەی ئایندە، لەناوچەیل ناوڕاس و باکوور نیمچە ئەورە، و لە ناوچەی باشوور رووشن کەمکەم بوودە نیمچە ئەور و جاروباریش ئەور تەواوە، و پلەی گەرمی لە گشت وڵاتەگە نزیک رووژەیل وەرجە خوەیە.
