کەشوهەوای هەفتەی ئایندە لە عراق.. ئەور و نمە وارانە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو شەممە، لە ناوچەی ناوڕاس و باکوور رووشنە تا نیمچە ئەوریگ، و لە ناوچەی باشوور رووشنە وەگەرد لەکە ئەوریگ، و پلەی گەرمی لە بەشەیل ناوڕاس و باشوور کەمیگ بەرزەو بوود، ولە بەش باکوور نزیک رووژ وەرجە خوەیە.
وتیش: رووژ یەکشەممە، لە ناوچەی ناوڕاس رووشنە تا نیمچە ئەورە، و لە ناوچەی باکوور نیمچە ئەورە، و پلەی گەرمی لە گشت وڵاتەگە نزیک رووژ وەرجە خوەیە.
دیاری کرد کە رووژ دووشەممە، لە ڵ ناوچەی ناوڕاس رووشنە کەمکەم بوودە نیمچە ئەور، وەگەرۆ دەرفەت نمە وارانیگ جیاجیا، و لە ناوچەی باشوور رووشنە وەگەرد لەکە ئەوریگ، و پلەی گەرمی لە گشت وڵاتەگە نزیک رووژ وەرجە خوەیە.
دەسەگە وتیش: کەشوهەوای رووژ سێشەممەی ئایندە لە ناوچەی ناوڕاس نیمچە ئەورە، و پلەی گەرمی نزیک رووژ وەرجە خوەیە، و لە ناوچەی باکوور نیمچە ئەورە تا ئەور تەواویگ، وەگەرد نمە وارانیگ، و پلەی گەرمی کەمیگ داوەزێد، و لە ناوچەی باشوور رووشنە تا نیمچە ئەوریگ، و پلەی گەرمی کەمیگ بەرزەو بوود.
