کەشوهەوای یەکەم هەفتەی مانگ حوزەیران لە عراق
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە، سوو پەنجشەممە، رووشنە وەگەرد لەکە ئەوریگ، و پلەی گەرمی لە گشت وڵاتەگە نزیک رووژ وەرجە خوەیە.
وتیش؛ رووژ جمعە، لە ناوچەی ناوڕاس و باکوور رووشنە وەگەرد لەکە ئەوریگ، و لە ناوچەی باشوور رووشنە وەگەرد لەکە ئەوریگ و هەڵسان خوەڵوتووز، و پلەی گەرمی لە بەش ناوڕاس کەمیگ بەرزەو بوود، و لە بەشەیل باکوور و باشوور نزیک رووژ وەرجە خوەیە.
وتیش؛ رووژ شەممە، لە ناوچەی ناوڕاس و باشوور رووشنە وەگەرد لەکە ئەوریگ و هەڵسان خوەڵوتووز، و لە ناوچەی باکوور رووشنە وەگەرد لەکە ئەوریگ، و پلەی گەرمی لە بەشەیل ناوڕاس و باشوور کەمیگ بەرزەو بوود، و لە بەش باکوور چەن پلەیگ بەرزەو بوود.
بەیاننامەگە وتیش؛ کەشوهەوای وڵاتەگە لە رووژ یەکشەممەی ئایندە لە گشت ناوچەیل وڵاتەگە نیمچە ئەورە، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە بەش باشوور کەمیگ بەرزەو بوود.
