کەشوهەوای عراق.. واران کەمەو بوود و تەم جویلە وسنێد

شەفەق نیوز/ شارەزای کەشناسی سادق عەتیە لە بەش مەزەنەکردن لە دەسەی کەشناسی عراق، ئمڕوو شەممە، وت: دویاترین روخسار وارانەگە، ئەوەسە کە شەوەکی ئمڕوو تەواو بوود.

عەتیە دیاری کرد کە ئەو وارانە کە مەنیە کاریگەریی کەفێدە بان ناوچەیل بەسرە و میسان و واست و دیالە و سلێمانی و دهۆك، لە ساعەتەیل شەوەکی، و ەڵرخە نیمەڕو نیەمینێد.

وتیش: هاتێ وارانەیل جیاجیا لە واست، باکوور میسان، دهۆک، باکوور نەینەوا، تا ئیوارە بمینێد.

وتیش: تەم خەسیگ لە ناوچەیل دیاڵە، واست، خوەرهەڵات بەغداد، خوەرهەڵات تکریت، باکوور نەینەوا، خوەرهەڵات دیوانیە، ئاست نووڕین کەمەو کەێد، کە کاریگەری لەبان جویلەی هاتوچو و فڕۆکەوانی لەو ناوچەیلە دیرێد.