کەشوهەوای عراق لەی چوار رووژ بانانە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو دووشەممە، لە ناوچەی ناوڕاس و باشوور رووشنە وەگەرد لەکە ئەوریگ، و لە ناوچەی باکوور نیمچە ئەورە وەگەرد دەرفەت نمە وارانیگ لە بەشەیل باکووری، و پلەی گەرمی لە گشت وڵاتەگە نزیک رووژ وەرجە خوەیە.
بەیانامەگە وتیش: رووژ سێشەممە، ئاسمان نیمچە ئەورە تا ئەور تەواوە وەگەرد دەرفەت نمە وارانیگ، و پلەی گەرمی لە ناوچەی ناوڕاس نزیک رووژ وەرجە خوەیە، و لە ناوچەی باکوور نیمچە ئەورە تا ئەور تەواوە وەگەرد دەرفەت وارانیگ، و پلەی گەرمی چەن پلەیگ نزمەو بوود، و لە ناوچەی باشوور رووشنە وەگەرد لەکە ئەوریگ، و پلەی گەرمی کەمیگ بەرزەو بوود.
دیاری کرد کە رووژ چوارشەممە، ئاسمان رووشنە وەگەرد لەکە ئەوریگ لە ناوچەی ناوڕاس، و پلەی گەرمی کەمیگ نزمەو بوود، و لە ناوچەی باکوور رووشنە وەگەرد لەکە ئەوریگ و پلەی گەرمی کەمیگ بەرزەو بوود، و لە ناوچەی باشوور نیمچە ئەورە، و پلەی گەرمی کەمیگ نزمترەو بوود.
دەسەگە وتیش: کەشوهەوای رووژ پەنجشەممەی ئایندە، لە گشت وڵاتەگە رووشنە وەگەرد لەکە ئەوریگ، و پلەی گەرمی لە بەشەیل ناوڕاس و باکوور کەمیگ بەرزەو بوود، ولە ناوچەی باشوور نزیک رووژ وەرجە خوەیە.
