کەشوهەوای عراق لەی چوار رووژ بانانە

شەفەق نیوز/ دەسەی کەشناسی عراق، ئمڕوو پەنجشەممە، مەزەنەی کەشوهەوای وڵاتەگە لەی چوار رووژ بانانە بڵاو کرد، و باس وەردەوامی لە بەرزەوبوین پلەی گەرمی کرد.

دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە سوو جمعە، رووشنە، و پلەی گەرمی لە گشت وڵاتەگە کەمیگ بەرزەو بوود.

بەیاننامەگە وتیش: رووژ شەممە، هەمیش رووشنەر و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و کەمیگ لە بەش باشوور بەرزەوە بوود.

دیاری کرد ک رووژ یەکشەممە، لە گشت ناوچەیل وڵاتەگە رووشنە، و پلەی گەرمی لە ناوچەی ناوڕاس نزیک رووژ وەرجە خوەیە، و لە ناوچەی باکوور کەمیگ بەرزەو بوود، و لە ناوچەی باشوور کەمیگ داوەزێد.

دەسەگە وتیش: کەشوهەوای وڵاتەکە لە رووژ دووشەممەی ئایندە رووشنە، و پلەی گەرمی لە گشت وڵاتەگە کەمیگ بەرزەو بوود.