کەشوهەوای عراق لەی هەفتە
2023-06-27T07:48:37+00:00
شەفەق نیوز/ دەسەی کەشناسی عراق، ئمڕوو سێشەممە، مەزەنەی کەشوهەوای وڵاتەگە لەی هەفتە بڵاو کرد، و باس بەرزەوبوین پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو چوارشەممە، لە گشت ناوچەیل وڵاتەگە رووشنە، و لە چەن شوینیگ لەناوچەی ناوڕاس و باشوور خوەڵوتووز بەرزەو بوود، و پلەی گەرمی لە بەشەیل ناوڕاس و باکوور کەمیگ بەرزەو بوود، و لە بەش باشوور نزیک رووژ وەرجە خوەیە.
وتیش: کەشوهەوای رووژ پەنجشەممە و جمعە رووشنە، و لە چەن شوینیگ خوەڵوتووز هەڵسێد، و پلەی گەرمی لە گشت وڵاتەگە نزیک رووژ وەرجە خوەیە.
دەسەگە وتیش: کەشوهەوای رووژ شەممەی ئایندە، لە چەن شوینیگ بوودە خوەڵوتووز، و پلەی گەرمی لە گشت وڵاتەگە نزیک رووژ وەرجە خوەیە.
