کەشوهەوای عراق لەی رووژەیل بانانە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە لە سوو پەنجشەممە، نیمچە ئەورە جاروباریش بوودە ئەور تەواو وەگەرد دەرفەت پرزە وارانیگ دویای نیمەڕو، و پلەی گەرمی کەمیگ بەرزەو بوود، و لە ناوچەی باشوور
وتیش: رووژ جمعە، لە ناوچەی ناوڕاس نیمچە ئەورە تا ئەور تەواو، و لە بەشەیل خوەرئاوای خوەڵوتووز هەڵسێد، وەگەرد نمە وارانیگ وە شەو، و لە ناوچەی باکوور ئەور و وارانڵ، وارانەگە وە رووژانە کەمە و دویای نیمەڕو زیایەو بوود، و لە ناوچەی باشوور نیمچە ئەورە تا ئەور تەواو وەگەرد دەرفەت واران دویای نیمەڕو، و پلەی گەرمی لە گشت وڵاتەگە نزیک رووژ وەرجە خوەیە.
بەیاننامەگە وتیش؛ رووژ شەممە، لە ناوچەی ناوڕاس ئەور و وارانە وەگەرد دەرفەت وا و تریشقە و هەڵسان خوەڵوتووز لە ناوچەیلیگ جیاجیا، و پلەی گەرمی چەن پلەیگ داوەزێد، و لە ناوچەی باکوور ئەور و وارانە وەگەرد دەرفەت وا و تریشقە و هەڵسان خوەڵوتووز لە ناوچەیلیگ جیاجیا، و پلەی گەرمی چەن پلەیگ داوەزێد، و لە ناوچەی باشوور نیمچە ئەورە و خوەڵوتووز لە ناوچەیلیگ جیاجیا وەگەرد نمە وارانیگ، و پلەی گەرمی نزیک رووژ وەرجە خوەیە.
دەسەگە دیاری کرد ک کەشوهەوای وڵاتەگە لە رووژ یەکشەممەی ئایندە نیمچە ئەورە تا ئەور تەواوە وەگەرد نمە وارانیگ تا دویای نیمەڕو، و لە ناوچەی باکوور ئەور و وارانە، و لە ناوچەی باشوور رووشنە تا نیمچە ئەورە وەگەرد خوەڵوتووز لە چەن شوینیگ، و پلەی گەرمی لە گشت وڵاتەگە چەن پلەیگ نزمەو بوود.
