کەشوهەوای عراق.. شەپوول گەرمی و خوەڵوتووز
2024-05-24T09:47:27+00:00
شەفەق نیوز/ شارەزای کەشناسی عەلی جابر زیادی، ئمڕوو جمعە، خەوەردا کە ئی رووژەیل بانانە بەرزەوبوین پلەی گەرمی و خوەڵوتووز لە ناوڕاس و باکوور عراق بوود.
زیادی ئەرا ئاژانس شەفەق نیوز وت: لە شەوەکی سوو شەممەو، پارچە وای گورجیگ رەسێدە وڵاتەگە، و خوەڵوتووز هیز دەێد.
وتیش: پلەی گەرمی تا نزیک پەنج پلە لە پارێزگایل ناوڕاس و باشوور نزمەو بوود، کە مەزەنە کریەێد تا ماوەی سێ رووژ وەیجویرە بمینێد.
زیادی دووپات کرد کە لە ناوڕاس هەفتەی ئایندە و کۆتایی مانگەگە، پلەی گەرمی دووارە بەرزەو بوود، وتیش: پلەی گەرمی لە مانگ تەممووز ئمساڵ بانوخوار کەێد و رەسێدە ناوڕاس چلەیل.
