کەشوهەوای عراق.. سوو گەرمی لە پەنج پارێزگا لە 45 پلە رەد کەێد
![کەشوهەوای عراق.. سوو گەرمی لە پەنج پارێزگا لە 45 پلە رەد کەێد](https://media.shafaq.com/media/arcella/1694507019279.jpg)
شەفەق نیوز/ دەسەی کەشناسی عراق، ئمڕوو سێشەممە، مەزەنەی کەشوهەوای وڵاتەگە ئەرا ئی رووژەیل بانانە بڵاو کرد، و باس بەرزەوبوین پلەی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو چوارشەممە، لە ناوچەیل ناوڕاس و باشوور رووشنە وەگەرد لەکە ئەوریگ، و لە ناوچەی باکوور میمون ئەورە، و پلەی گەرمی لە گشت وڵاتەگە کەمیگ بەرزەو بوود.
وتیش: رووژ پەنجشەممە، رووشنە وەگەرد بەرزەوبوین خوەڵوتووز، و پلەی گەرمی لە ناوچەی ناوڕاس چەن پلەیگ داوەزێد، و لە ناوچەیل باکوور و باشوور کەمیگ داوەزێد.
هەمیش وت: رووژ جمعە، لە گشت وڵاتەگە رووشنە، و پلەی گەرمی لە ناوچەیل ناوڕاس و باکوور نزیک رووژ وەرجە خوەیە، و لە بەش باشوور کەمیگ داوەزێد.
دەسەگە وتیش: کەشوهەوای رووژ شەممەی ئایندە رووشنە، و پلەی گەرمی لە ناوچەی ناوڕاس کەمیگ بەرزەو بوود، و لە ناوچەیل باکوور و باشوور وڵاتەگە نزیک رووژ وەرجە خوەیە.