کەشوهەوای عراق ئەرا دوو رووژ بانان.. خوەڵوتوز و داوەزین گەرمی
شەفەق نیوز/ دەزگای کەشناسی عراق، ئمڕوو شەممە، مەزەنە کرد وڵاتەگە لەماوەی دوو رووژ ئایندە کەشوهەوای رووشن وەگەرد بەشیگ ئەور و خوەڵوتوز سووکیگ بوود، وەگەرد داوەزین کەمیگ لە پلەی گەرمی.
دەزگاگە لە بەیاننامیگ رەسیە ئاژانس شەفەق نیوز وت: کەشوهەوای سوو یەکشەممە لە گشت ناوچەیل وڵاتەگە، ئەوەسا رووشن بوود وەگەرد کەمیگ ئەور، و پلەی گەرمی کەمیگ داوەزێد، و واگە بوودە باکووری خوەرئاوایی لە تونی کەمیگ تا ناوڕاس، جاروباریش گورجەو بوود، تا تووزیگ لە ناوچەیل ناوڕاس و باشوور هەڵسنێد.
وتیش: پلەی گەرمی خوارین لە بەغداد ئەرا رووژ یەکشەممە رەسێدە ١٨ پلەی سیلیزی، و باڵاگە بوودە ٤٨ پلە، و لە زیقار پلەی گەرمی باڵا رەسێدە ٥٠ پلەی سەدی.
دەزگاگە دیاری کرد ک کەشوهەوای رووژ دووشەممە رووشنە وەگەرد کەمیگ ئەور و خوەڵوتوز سووکیگ لە گشت ناوچەیل وڵاتەگە، و پلەی گەرمی لە ناوچەی ناوڕاس داوەزێد، و لە ناوچەیل باکوور و باشوور جویر رووژ وەرینی بوود.
