کەشوهەوای عراق تا پەنجشەممە
2023-09-03T09:36:41+00:00
شەفەق نیوز/ دەسەی کەشناسی عراق، ئمڕوو یەکشەممە، مەزەنەی کەشوهەوای وڵاتەگە لەی چوار رووژ بانانە بڵاو کرد، و باس بەرزەبوین نوویگ لە پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو دووشەممە، خوەر و رووشن، و پلەی گەرمی لە بەشەیل ناوڕاس کەمیگ لە رووژ وەرجە خوەی بەرزترەو بوود، و لە بەشەیل باکوور و باشوور نزیک رووژ وەرجە خوەیە.
وتیش؛ رووژ سێشەممە، رووشنە و پلەی گەرمی لە گشت وڵاتەگە کەمیگ بەرزەو بوود.
دیاری کرد کە رووژ چوارشەممە، خوەر و رووشنە، و پلەی گەرمی لە بەش ناوڕاس نزیک رووژ وەرجە خوەیە، و لە بەشەیل باکوور و باشوور کەمیگ بەرزەو بوود.
بەیانامەگە وتیش: کەشوهەوای رووژ پەنجشەممەی ئایندە، خوەر و رووشنە، و تونی واگە رەسێدە ٢٠-٣٠ کم/س، کە لە چەن شوینیگ خوەڵوتووز هەڵکەێد، و پلەی گەرمی لە بەشەیل ناوڕاس و باشوور چەن پلەیگ لە رووژ وەرجە خوەی نزمترەو بوود، و لە بەش باشوور وڵاتەگە نزیک رووژ وەرجە خوەیە.
