کەشوهەوای عراق.. تا ناوڕاس ئی هەفتە تەمە

کەشوهەوای عراق.. تا ناوڕاس ئی هەفتە تەمە
2023-01-21T09:50:59+00:00
شەفەق نیوز/ دەسەی کەشناسی عراق، ئمڕوو شەممە، مەزەنەی کەشوهەوای چوار رووژ ئایندە راگەیان، و باس دروسبوین تەم و داوەزین پلەی گەرمی کرد.

دەسەگە لە بەیاننامەیگ رەسیە ئاژانس شەفەق نیوز وت: کەشوهەوای ئمڕوو شەممە، لە ناوچەی ناوڕاس رووشنە وەگەرد کەمیگ ئەور و تەم سووکیگ، و لە ناوچەی باکوور رووشنە وەگەرد لەکە ئەوریگ، و لە ناوچەی باشوور رووشنە وەگەرد لەکە ئەوریگ، و لە بەش خوەرهەڵاتی تەم دروس بوود کەمکەم پاکەو بوود، و پلەی گەرمی لە گشت وڵاتەگە نزیک دویەکەس.

  بەیاننامەگە وتیش: پلەی گەرمی مەزن لە بەغداد و کەرکوک و دیالە و بابل و واست و دیوانیە و میسان و موسەنا رەسێدە ١٩ پلە، و لە دهۆک و هەولێر و مووسڵ و ئەنبار و بەسرە ١٨ پلە، و لە کەربەلا ١٢ پلە، و لە نەجەف و ناسریە و سەڵاحەدین ٢٠ پلە.

 وتیش: سوو یەکشەممە، لە ناوجەی ناوڕاس رووشنە وەگەرد لەکە ئەوریگ، و شەوەکی زوی بوودە تەم کەمکەم پاکەو بوود، و لە ناوچەی باکوور رووشنە و شەوەکی تەم دروس بوود کەمکەم پاکەو بوود، و لە ناوچەی باشوور نیمچە ئەورە و تەم سووکیگە کەمکەم پاکەو بوود، و پلەی گەرمی لە گشت وڵاتەگە نزیک رووژیگ وەرجە خوەیە.

  وتیش: کەشوهەوای رووژ دووشەممە، لە ناوچەی ناوڕاس رووشنە وەگەرد لەکە ئەوریگ، و شەوەکی تەم دروس بوود کەمکەم پاکەو بوود، و لە باکوور رووشنە وەگەرد لەکە ئەور، و شەوەکی تەم دروس بوود کەمکەم پاکەو بوود، و پلەی گەرمی کەمیگ داوەزێد،و لە باشوور رووشنە وەگەرد لەکە ئەوریگ، و شەوەکی تەم دروس بوود کەمکەم پاکەو بوود، و پلەی گەرمی لە گشت وڵاتەگە کەمیگ داوەزێد.

دیاری کرد ک رووژ سێشەممەی ئایندە کەشوهەوای ناوچەی ناوڕاس رووشنە وەگەرد تەم سەوکیگ، و لە ناوچەی باکوور رووشنە وەرەو نیمچە ئەور، وەگەرد تەم سووکیگ، و لە ناوچەی باشوور رووشنە تا نیمچە ئەور وەگەرد تەم سووکیگ، و پلەی گەرمی لە گشت وڵاتەگە کەمیگ داوەزێد.

کەشوهەوای رووژ چوارشەممەی ئایندە، لە ناوچەی ناوڕاس رووشنە تا نیمچە ئەورە، و لە ناوچەی باکوور رووشنە تا نیمچە ئەورە، و لە ناوچەی باشوور رووشنە تا نیمچە ئەورە، و پلەی گەرمی لە گشت وڵاتەگە کەمیگ داوەزێد.

 

Shafaq Live
Shafaq Live