کەشوهەوای عراق تا رووژ یەکشەممەی ئایندە
شەفەق نیوز/ دەسەی کەشناسی عراق، ئمڕوو پوارشە، مەزەنەی کەشوهەوای وڵاتەگە ئەرا ئی رووژەیل بانانە بڵاو کرد، و باس داوەزیان پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو پەنجشەممە، لە ناوچەی باکوور، ئاسمان رووشنە وەگەرد لەکە ئەوریگ، و لە گشت ناوچەیل وڵاتەگە پلەی گەرمی نزیک رووژ وەرجە خوەیە، و پلەی گەرمی مەزن لە بەغداد و دیوانیە و موسەنا و دیالە و واست و میسان و زیقار و نەجەف و بەسرە رەسێدە رەسێدە ٣٩ پلەی سەدی، و لە بابل و ئەنبار و کەربەلا و سەڵاحەدین ٣٨ پلە، هەولێر و نەینەوا و کەرکوک ٣٦ پلە، سلێمانی ٣٣ پلە، دهۆک ٣٤ پلەی سەدی.
وتیش: رووژ جمعە، لە گشت ناوچەیل وڵاتەگە رووشنە وەگەرد لەکە ئەوریگ، و لە ناوچەی باکوور نیمچە ئەورە، و پلەی گەرمی لە گشت ناوچەیل وڵاتەگە نزیک رووژ وەرجە خوەیە.
دەسەگە دیاری کرد کە رووژ شەممە، لە ناوچەی ناوڕاس و باشوور رووشنە، و لە ناوچەی باکوور نیمچە ئەورە، و پلەی گەرمی لە گشت ناوچەیل وڵاتەگە نزیک رووژ وەرجە خوەیە.
دەسەگە وتیش؛ کەشوهەوای وڵاتەگە ئەرا رووژ یەکشەممەی ئایندە، لە ناوچەی ناوڕاس و باشوور روەشنە، و لە ناوچەی باکوور نیمچە ئەورە، و پلەی گەرمی لە گشت ناوچەیل وڵاتەگە نزیک رووژ وەرجە خوەیە.
