کەشوهەوای عراق تا کۆتایی هەفتە
2024-05-27T08:47:15+00:00
شەفەق نیوز/ دەسەی کەشناسی عراق، ئمڕوو دووشەممە، مەزەنەی کەشوهەوای وڵاتەگە ئەرا ئی رووژەیل بانانە بڵاو کرد، و باس خوەڵوتووز و داوەزیان پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو سێشەممە، رووشنە وەگەرد لەکە ئەوریگ لە بەشەیل خوەرئاوای وڵات، و پلەی گەرمی چەن پلەیگ بەرزەو بوود.
وتیش: رووژ چوارشەممە، لە ناوچەی باکوور رووشنە وەگەرد لەکە ئەوریگ، و پلەی گەرمی لە ناوچەی ناوڕاس و باشوور کەمیگ بەرزەو بوودر و لە ناوچەی باکوور نزیک رووژ وەرجە خوەیە.
دیاری کرد کە رووژ پەنجشەممە، وەگشتی رووشنە و گەرمە، و پلەی گەرمی کەمیگ بەرزەو بوود.
دەسەگە وتیش: کەشوهەوای وڵاتەگە ئەرا رووژ جمعەی ئایندە، رووشنە وەگەرد لەکە ئەوریگ و خوەڵوتووز سووکیگ، و پلەی گەرمی لە ناوچەی ناوڕاس و باکوور چەن پلەیگ نزمەو بوود، و لە ناوچەی باشوور نزیک رووژ وەرجە خوەیە.
