کەشوهەوایگ تاوسانی لەماوەی چوار رووژ ئایندە لە عراق
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە لە سوو چوارشەممە، رووشنە و پلەی گەرمی لە گشت وڵاتەگە جویر رووژیگ وەرجە خوەیە.
بەیاننامەگە وتیش: رووژ پەنجشەممە، لە گشت وڵاتەگە پاک و رووشنە، و پلەی گەرمی لە بەشەیل ناوڕاس و باشوور کەمیگ لە رووژ وەرجە خوەی بەرزترەو بوودر، و لە بەش باکوور وڵاتەگە کەمیگ نزمەو بوود.
دیاری کرد ک رووژ جمعە، لە بەشەیل ناوڕاس و باشوور لەکە ئەورە، و لە ناوچەی باکوور نیمچە ئەورە وەگەرد دەرفەت نمە وارانیگ،و پلەی گەرمی لە ناوچەی ناوڕاس کەمیگ لە رووژ وەرجە خوەی بەرزترەو بوود، و لە ناوچەیل باکوور و باشوور وڵاتەگە نزیک رووژەیل وەرجە خوەیە.
بەیاننامەگە وتیش: کەشوهەوای رووژ شەممە، لە ناوچەیل ناوڕاس و باکوور نیمچە ئەورە وەگەرد دەرفەت نمە وارانیگ، و لە ناوچەی باشوور نیمچە ئەورە، و پلەی گەرمی لە گشت وڵاتەگە نزیک رووژ وەرجە خوەیە.
