کەشناسی...لە ئمڕووە خوەڵ و تووز دەسوەپی کەێد

شەفەق نیوز/ کەشناسی هەرێم کوردستان، ئمڕوو دووشەممە، پیشبینیەیل کەشووهەوای ئمڕوو و سوو بڵاو کرد، وەپای ئەوە لە ئمڕووە خوەڵوارین دەسوەپی کەێد.  

وەریەوبەرایەتی گشتی کەشناسی و زەویلەرزەی هەرێم کوردستان بڵاوکرد، ئمڕوو ئاسمان ساماڵ بوود وەگەرد خوەڵ و تووز سووکیگ وە تایبەت لەناوچەیل باشوور هەرێم، و پلەی گەرمی یەک تا دوو پلە نزمەو بوود. 

لە پیشبینیەیل کەشوهەوای سوو دەرخەێد، ئاسمان ساماڵە و پلەیل گەرمییش نزیکە لە پلەی گەرمی ئمڕوو. 

لەهەمان وەخت دەسەی کەشناسی عراق بڵاوکردیە ئمڕوو لە ناوچەیل ناوراس و باشوور عراق ئاسمان ساماڵە و لە بڕیگ ناوچە ئاڵشتبوود ئەرا خوەڵوارین و تا سوو خوەڵەگە وەردەوامە.