کەشناسی عراق: واران و گرمەهڕ
شەفەق نیوز/ دەسەی کەشناسی عراق، ئمڕوو یەکشەممە، راگەیان رووژ دووشەممە شەپولیگ وارانوارین روی لە هەرێم کوردستان و ناوڕاس عراق کەێد و رووژ سێشەممە ئەگەر خەسبوین وارانەگە هەس وەگەرد گرمەهڕ و تا کوتایی ئی هەفتە پرزە واران وەردەمە.
دەسەگە راگەیانیش، لە رووژ دووشەممە ئاسمان ناوچەیل هەرێم لە شەو ئاڵشتبوود ئەرا ئەور و پیشبینی کریەێد واران بوارێد و گرمەهڕیش وەگەردیا بوود و پلەی گەرمایش جویر رووژەیل وەرین مینێد.
ئەوەیش خستەروی، لە رووژ سێشەممە ئاسمان ناوچەیل هەرێم ساماڵە و لە بڕیگ ناوچەیترەک ئەگەر وارانوارین و گرموهڕ هەس و پلەی گەرما داوەزین وە خوەی دوینێد.
لە رووژ چوارشەممە لە ناوچە کویەیل واران وارین واردەوم بوود پلەی گەرما وە بەراورد وە رووژەیل گوزەشتە فرەتر داوەزێد.
دیاریکرد، لە رووژ پەنجشەممە لە فرەیگ لە ناوچەیل هەرێم وارانوارین دەسوەپی کەێد، باوجی پلەی گەرما جویر رووژەیل وەرین مینێد.
