کەشناسی عراق: واران جیاجیا و بەرزەوبوین پلەی گەرمی لەی دوو رووژە
دەسەگە لە بەیاننامەیگ رەسیە ئاژانس شەفەق نیوز وت: سوو پەنجشەممە، نیمچە ئەورە و جاروباریش ئەور تەواوە وەگەرد نمە وارانیگ لە شوینەیلیگ جیاجیا، وەگەرد ئەور و تریشقە، و پلەی گەرمی لە بەشەیل ناوڕاس و باشوور نزیک رووژ وەرجە خوەیە، و لە بەش باکوور کەمیگ لە رووژ وەرجە خوەی بەرزترەو بوود.
بەیاننامەگە وتیش: رووژ جمعە، لە ناوچەی ناوڕاس رووشنە وەگەرد لەکە ئەوریگ، و پلەی گەرمی نزیک رووژ وەرجە خوەیە، و لە ناوچەی باکوور نیمچە ئەورە وەگەرد دەرفەت نمە واران لە شوینەیلیگ جیاجیا، و پلەی گەرمی کەمیگ بەرزەو بوود، و لە ناوچەی باشوور نیمچە ئەورە وەگەرد دەرفەت نمە وارانیگ، و پلەی گەرمی کەمیگ بەرزەو بوود.
وتیش: رووژ شەممە، رووشنە وەگەرد لەکە ئەوڕیگ لە گشت ناوچەیل وڵاتەگە، و پلەی گەرمی لە بەشەیل ناوڕاس و باشوور نزیک رووژ وەرجە خوەیە، و لە بەش باکوور کەمیگ داوەزێد.
بەیاننامەگە وتیش: کەشوهەوای رووژ یەکشەممەی ئایندە رووشنە وەگەرد لەکە ئەوریگ، و پلەی گەرمی لە گشت وڵاتەگە نزیک رووژ وەرجە خوەیە.
