کەشناسی عراق… مەزنەی واران و بەرزەوبوین گەرمی
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو جمعە، لە ناوچەیل ناوڕاس و باشوور نیمچە ئەورە وەگەرد دەرفەت نمە وارانیگ، و لە ناوچەی باکوور رووشنە تا نیمچە ئەوریگ، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە بەش باشوور کەمیگ بەرزەو بوود.
وتیش: رووژ شەممە، رووشنە و جاروباریش نیمچە ئەورە لە گشت ناوچەیل وڵاتەگە، و پلەی گەرمی لە بەشەیل ناوڕاس و باشوور کەمیگ بەرزەو بوود،و لە بەش باکوور نزیک رووژ وەرجە خوەیە.
وتیش؛ لە رووژ یەکشەممە، لە گشت وڵاتەگە نیمچە ئەورە تا ئەور تەواویگ، و پلەی گەرمی نزیک رووژ وەرجە خوەیە.
بەیاننامەگە وتیش: کەشوهەوای رووژ دووشەممەی ئایندە، لە ناوچەی ناوڕاس نیمچە ئەورە تا ئەور تەواوە وەگەرد دەرفەت نمە وارانیگ، و لە ناوچەی باکوور ئەورە وەگەرد پرزە وارانیگ جاروباریش ئەور و تریشقە دیرێد، و لە ناوچەی باشوور نیمچە ئەورە، و پلەی گەرمی لە گشت وڵاتەگە کەمیگ نزمەو بوود.
