کەشناسی عراق لەی چوار رووژ بانانە
2023-08-30T08:20:56+00:00
شەفەق نیوز/ دەسەی کەشناسی عراق، ئمڕوو چوارشەممە، مەزەنەی کەشوهەوای وڵاتەگە لەی رووژەیل بانانە بڵاو کرد، و باس بەرزەبوین نوویگ لە پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو پەنجشەممە، لە ناوچەی ناوڕاس و باشوور رووشنە، و لە ناوچەی باکوور رووشنە وەگەرد لەکە ئەوریک، و پلەی گەرمی لە بەشەیل ناوڕاس و باشوور نزیک رووژ وەرجە خوەیە، و لە بەش باکوور چەن پلەیگ بەرزەو بوود.
وتیش؛ رووژ جمعە، ئاسمان رووشنە، و پلەی گەرمی لە بەشەیل ناوڕاس و باکوور چەن پلەیگ بەرزەو بوود، و لە بەش باشوور وڵاتەگە کەمیگ بەرزەو بوود.
دیاری کرد کە رووژ شەممە، لە گشت ناوچەیل وڵاتەگە ئاسمان رووشنە، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە بەش باشوور کەمیگ بەرزەو بوود.
دەسەگە وتیش: کەشوهەوای رووژ یەکشەممەی ئایندە لە گشت وڵاتەگە رووشنە و پلەی گەرمی نزیک رووژ وەرجە خوەیە.
