کەشناسی عراق.. سوو گەرمی پەنجایی و خوەڵوتووزە
2024-06-17T13:29:08+00:00
شەفەق نیوز/ دەسەی کەشناسی عراق، ئمڕوو دووشەممە، مەزەنەی کەشوهەوای وڵاتەگە ئەرا سوو سێشەممە راگەیان، و باس پلەی گەرمی پەنجایی کرد، کە لە کۆتایی ئی هەفتە رەسێدە لویتکە.
دەسەگە لە بەیاننامەیگ رەسیە ئاژانس شەفەق نیوز وت: گاریگەری پارچەی گەرم تا کۆتایی ئی هەفتە وەردەوامە، و تا سەرەتای هەفتەی ئایندەیش، و رووژەیل جمعە و شەممە وە پلەی گەرمی پەنجایی رەسێدە لویتکە و جاروباریش لەوە بەرزتر.
دەریای کرد کە سوو سێشەممە، وای باکووری سووکیگ تا مناوندە، لە پارێزگایل بەغدا و سەڵاحەدین و بابل و واست ز زیقار و موسەنا و دیوانیە گورجە، وەگەرد هەڵکردن خوەڵوتووز سووکیگ.
دیاری کرد کە پلەی گەرمی سوو سێشەممە، لە دهۆک ٤٠ پلە، سلێمانی ٤٠ پلە، هەولێر ٤٤ پلە، سەڵاحەدین و ئەنبار ٤٧ پلە.
لە پارێزگای دیالە و کەربەلا و نەجەف ٤٨ پلە، و لە بەغداد پایتەخت و بابل و دیوانیە و واست و موسەنا ٤٩ پلە، و لە میسان و زیقار و بەسرە بەرزترین پلە رەسێدە ٥٠ پلەی سەدی.
