کەشناسی عراق.. گەرمی چوار پارێزگا رەسێدە نیمەی کوڵیان
2023-08-08T08:11:56+00:00
شەفەق نیوز/ دەسەی کەشناسی عراق، ئمڕوو سێشەممە، مەزەنەی کەشوهەوای وڵاتەگە لەی رووژەیل بانانە بڵاو کرد، وتیش؛ سوو پلەی گەرمی لە چوار پارێزگا رەسێدە نیمەی کوڵیان.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو چوارشەممە، لە گشت ناوچەیل وڵاتەگە رووشن و گەرمە، و پلەی گەرمی لە بەشەیل ناوڕاس و باشوور نزیک رووژ وەرجە خوەیە، وتیش؛ پلەی گەرمی لە بەش باشوور کەمیگ بەرزەو بوود، و پلەی گەرمی مەزن لە پارێزگایل میسان و ناسریە و موسەنا و بەسرە رەسێدە ٥٠ پلەی سەدی.
وتیش؛ رووژ پەنجشەممە، ئاسمان رووشنە وەگەرد لەکە ئەوریگ، و پلەی گەرمی لە گشت وڵاتەگە کەمیگ بەرزەو بوود.
دەسەگە وتیش؛ کەشوهەوای وڵاتەگە ئەرا رووژەیل جمعە و شەممەی ئایندە لە گشت وڵاتەگە رووشن و گەرمە وەگەرد لەکە ئەوریگ، و پلەی گەرمی نزیک رووژ وەرجە خوەیە.
