کەشناسی عراق.. پرزە وارانیگ وەرجە وارانە فرەگە

 وەگورەی زانیاری کەشناسەیل، ئەور وەرەو ناوچەگە جویلە کەێد، کە لە ناوڕاس دەریای ناوڕاس باشوور یۆنان ئامادە بویە و سوو دووشەممە، وەرەو شام تەکان خوەێد، و ئەرا شەوەگەی رەسێدە عراق.

 چەوەڕی کریەێد وەگەرد ئەوەی وا بوودە باشوور خوەرھەڵاتی لە رووژ یەکشەممە، ئەوریگ وەگەرد خوەی بارێد ئەرا فرەی شارەیل، و مەزەنە هەس لە رووژ دووشەممە، واران سووکیگ لە چەن شوینیگ لە باکوور و ناوڕاس وڵاتەگە بوارێد.

کاریگەری ئەو ئەورە لە رووژ سێشەممە، وەردەوامە و لە باکوور وڵاتەگە پەڵە دەێد و کەمیگ لە شارەیل ناوڕاس.

پلەی گەرمییش، وە شیوەیگ وەختانە لەناوڕاس هەفتە بەرزەو بوود، ئیجا لە کۆتایی هەفتە گلەو خوەێد، و لە کۆتایی ئی مانگە سەردەو بوود، و لە ناوچەیل باکوور سەردی دەسوەپی کەێد.