کەشناسی عراق: 7 پارێزگا پلەی گەرمییان لە 40 پلەی سیلیزی رەد کەێد
دەسەگە لە بەیاننامەیگ رەسیە ئاژانس شەفەق نیوز وت: پلەی گەرمی لە ئمڕوو یەکشەممە، لە کەربەلا و واست و دیوانیە و میسان و زیقار و موسەنا و بەسرە لە 40 پلەی سیلیزی رەد کەێد، و لە بەغداد و دیالە و نەجەف رەسێدە 40 پلەی سیلیزی.
وتیش: سوو دووشەممە، لە ناوچەی ناوڕاس نیمچە ئەورە وەگەرد دەرفەت نمە وارانیگ لە بەشەیل خوەرئاوای، و لە ناوچەی باکوور نیمچە ئەورە تا ئەور تەواویگ وەگەرد نمە وارانیگ جیاجیا، و لە ناوچەی باشوور نیمچە ئەورە، و پلەی گەرمی لە گشت وڵاتەگە کەمیگ لە رووژ وەرجە خوەی نزمترە.
دیاری کرد ک رووژ سێشەممە، نيمچە ئەورە وەگەرد دەرفەت نمە وارانیگ، و پلەی گەرمی لە گشت وڵاتەگە نزیک رووژ وەرجە خوەیە.
وتیش؛ رووژ چوارشەممە، نیمچە ئەورە وەگەرد دەرفەت نمە وارانیگ مەوقەی شەوەکی لە گشت ناوچەیل وڵاتەگە، و پلەی گەرمی لە بەشەیل ناوڕاس و باکوور کەمیگ لە رووژ وەرجە خوەی بەرزترەو بوود، و لە بەش باشوور کەمیگ داوەزێد.
بەیاننامەگە وتیش: کەشوهەوای رووژ پەنجشەممەی ئایندە، لە ناوچەی ناوڕاس و باشوور رووشنە وەگەرد لەکە ئەوریگ، و لە ناوچەی باکوور نیمچە ئەورە، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە بەش باشوور کەمیگ بەرزەو بوود.
