کەشناسیگ ئەرا عراقیەیل: پڕتاڵ سەنگین بخەنە وەردەس سەردی سەختیگ هاڕیەو
شەفەق نیوز/ کەشناس عراقی، عەلی زیادی، ئمڕوو چوارشەممە، پیشبینی واران وارین رفتیگ وەگەرد داوەزین پلەی گەرما لە فرەیگ ناوچەیل وڵاتەگە کرد.
زیادی ئەرا ئاژانس شەفەق نیوز ئاشکەرایکرد" پیشبینیەیل دیاری کەن یەکەم رووژ واران وارین لە جومعەی ئایندە دەسوەپی کەێد، هەمیش پیشبینی کرێد واران وارین و بەڵاچە لە شارەیل ناوڕاس و باکوور روی بدەێد، و وای سووکیگ تا مامناوەن بڕیگ ناوچە گرێدەو وە تایبەت باکوور و خوەرئاوای وڵاتەگە.
وتیش،" دەرفەت واران وارین تا رووژ شەممە وەردەوامە، کاریگەری کەمیگ دیرێد لە ناوچەیل باشوور و فورات ناوڕاس و بی بەشن لەی بارودۆخ وارانناویە.
زیادی دیاری کرد، " هەفتەی ئایندە کەشوهەوا سەردەو بوود وە تایبەت لە شەو، بایەتە دڵنگ قورس ئامادە بکریەێد وە هووکار داوەزین پلەی گەرما شیوەی کەم کەم ک لە جومعەو دەسوەپی کەێد تا رووژ دووشەممە فرەترەو بوود".
