کەشناسیگ ئەرا عراقیەیل: ئامادەی خوەدان ئەرا واران رفتیگ بکەن
2023-01-29T09:03:54+00:00
شەفەق نیوز/ عەلی جابر زیادی شارەزای کەشناسی، مەزەنەی واران رفتیگ لە باکوور و باشوور عراق کرد، لە ئمشەو یەکشەممە دەسوەپی کەێد.
زیادی ئەرا ئاژانس شەفەق نیوز وت: بابەتە عراقیەیل ئەرا وارانیگ خوەیان ئامادە بکەن، لە نیمەی ئمشەو و سوو لە بەشەیل باکووری و شارەیل باشوور دەسوەپی کەێد، و رفتی وارانەگە لە شوین تا شوین جیاوازە.
دیاری کرد ک مەزەنە هەس باناشەو دووشەممە، ورانەگە بوسێدەو، و دووارە لە شەوەکی رووژ سێشەممە لە شارەیلیگ جیاجیا لە وڵاتەگە و بەغداد پایتەخت بوارێد، و مەزەنە کریاگە لە چەن شوینیگ لە باکوور و خوەرهەڵات وڵاتەگە وارانەگە رفت بوود.
زیادی وتیش: پلەی گەرمی لەی رووژەیل بانانە جویر خوەی مینێد، بیجگە داوەزین کەمیگ لە رووژ پەنجشەممەی ئایندە، و شەپوول سەردی نییە.
