کەشناسی..داوەزین وەرچەویگ لە پلەی گەرمی عراق
![کەشناسی..داوەزین وەرچەویگ لە پلەی گەرمی عراق](https://media.shafaq.com/media/arcella/1661067583986.jpg)
شەفەق نیوز/ عەلی جابر زیادی کەشناس پیشبینی کەێد، لە سوو دووشەممەو پلەی گەرما داوەزین وەرچەویگ وەخوەی دوینێد ئەرا سێ پلەی سەدی لە ناوچە و شارەیل وڵاتەگە وە تایبەت ناوڕاس و باشوور بیجگە پارێزگایەیل میسان و بەسرە.
زیادی وە ئاژانس شەفەق نیوز وت؛ داوەزین پلەی گەرما وەردەوام بوود تا رووژ سێشەممە، نەخشەیلە دیاری کەشوهەوایگ مامناوەند کەن تاوسان ئاساییگە و پلەی گەرمییش نەڕەسێدە نیمەی چل لە گشت شارەیل.
وتیش پلەی گەرما لە پارێزگایەیل بەسرە و میسان لە 46پلەی سەدیە داوەزێد ئەرا 43، دیاریکرد شارەیلتر ناوراس و ناوچەیل فورات ناوراس لەوە کەمتریش رەسێد، لەهەمان وەخت لە شارەیل باکوور و ناوچەیل خوەرئاوای وڵاتەگە.
زیادی پیشبینی کەێد داوەزین پلەی گەرما تا کۆتایی هەفتە وەردەوام بوود.