کەشناسیگ..تا کۆتایی ئی مانگە دەرفەت واران وارین لە عراق هەس
2023-05-19T12:23:05+00:00
شەفەق نیوز/ کەشناس عەلی جابر زیادی، ئمڕوو جومعە، راگەیا دەرفەت واران وارین لە ناوچە و شارە جیاوازەیل وڵاتەگە وەردەوامە تا کۆتای مانگ ئایار.
جابر زیادی وە ئاژانس شەفەق نیوز وت، مەزەنەیل دیاریکەن کەشوهەوا لە ئیوارەی ئمڕوو جومعەو تا دویای نیمەڕوو رووژ یەکشەممە وارانیگ وەهاری وارێد و بەڵاچەیش هاوەگەردیا مەزەنەکریەێد وە ناوچە جیاوازەیل بڵاوەو بوود وەتایبەت ناوڕاس و باکور وڵاتەگە.
وتیش، وارانەگە وە شیوەی نارێک وارێد و تونیەگەی لەنیوان سوک تا رفتە، راگەیانیش شەپولیگ تەپوتوز و وا وەگەردیا تێد ک بوودە هووکار ناسەقامگیری مەزەنەکریەد وارانەگەی لە نیمەی هەفتە گلەوبخوەێد وەیەیش دەرفەت واران وارین تا کۆتایی مانگ ئازار و سەرەتای حوزەیران بوود.
لە کۆتای وتیش؛ پلەی گەرمی لە سوو نیمەڕووەگەی دەسکەێدە داوەزین.
