شمارەی وەرگرەیل واکسین عراق لە ٥ مەلیۆن رەد کەێد و داوەزین تۊشهاتنەیل کۆڕۆنا
2021-10-09T13:25:34+00:00
شەفەق نیوز٥ وەزارەت تەندروسی و ژینگەی عراق، ئمڕوو شەممە، راگەیان رەدکردن شمارەی وەرگرەیل واکسین دژوە ڤایرۆس کۆڕۆنا لە ٥ مەلیۆن کەس، و هەمیش باس داوەزین تۊشهاتنەیل ڤایرۆس کۆڕۆنای رووژانە کرد.
وەزارەتەگە لە بەیاننامەیگ رەسیە ئاژانس شەفەق نیوز وت: شمارەی تۊشهاتنە نووەیلە رەسیە ١٢٢٧، وەگەرد ٣٣١٣ خاسەوبۊن، و هەمیش ٢٨ مردن.
وەزارەتەگە وتیش؛ شمارەی ئەوانەگ ئمڕوو واکسینەگە وەرگردنە رەسیە ١٢٢٤٢ کەس، تا گشت شمارەگە بڕەسێدە ٥ مەلیۆن و ١٨٠١ کەس.
