شرۆڤه‌كارێگ ئه‌مریكى: پلان ئازادكردن موسڵ ئاماده‌س
بایه‌ر زیاتر وتگه: خوه‌ندنه‌وه‌ێ شیكاری بارودوخ سه‌ربازی و ئاسایشی له ئه‌نبار نیشان ئه‌یا ك هه‌ركه‌س هاوكاری وه‌ل حكومه‌ت كردگه ئه‌كوژیه‌ێ و كوچ وه خانه‌واده‌یلیان له ناوچه‌گه ئه‌كریه‌ێ و له دو ڕوژ ئاینده حه‌مام خوێن له ڕومادی ڕێ ئه‌گرێ و سه‌رجه‌م سه‌ربازه‌یل ئه‌سیر ئه‌كوژیه‌ن.
بایه‌ر هاله‌و باوه‌ڕه ك پێشكه‌فتن داعش له ڕومادی نیشانه‌ێ توانایی ئه‌و ڕێكخراوه‌سه وتگه : ڕێكخراو داعش ، توانایی له ڕاده‌به‌ده‌رێگ له خوه‌ێ نیشانداگه و سه‌ره ڕای بوردومانه ئاسمانیه‌گان ته‌یاره‌یل هاوپه‌یمان ، پێشكه‌فتن زه‌مینی فه‌ره‌یگ وه‌ده‌س هاوردگه.
بایه‌ر زیاتر وتگه " كیشه‌گه ته‌نیا په‌یوه‌ندی وه داعشه‌وه نه‌ێرێ ، به‌ڵكم په‌یوه‌ندی وه ئاست توانایی سوپای عراق و ئراده‌ێ ڕوی وه ڕوێ بوێنه‌وه وه‌ل داعش دێرێ ، سوپای عراق وه‌رجله یه پێشكه‌فتن داشتگه ، وه‌لێ ئمڕو دوچار شكست هاتگه و چه‌ندین ساڵ دریژه ئه‌كیشێ تا ناسنامه‌ێ لاێه‌ن پیروز له‌و جه‌نگه ئاشكراوه بكریه‌ێ.
ئه‌و شیكه‌ره‌وه‌ێ ئه‌منی ئه‌مریكیه ئه‌ێوژێ ، كونتروڵ كردن شار ڕومادی له لاێه‌ن داعشه‌وه ، ئه‌گه‌ر ده‌س وه‌پێكردن كرده‌وه‌ێگ سه‌ربازی ئه‌ڕا ئازاد كردن شار موسل له مانگه‌یل تاوسان كه‌مه‌و كردگه و له بان ئه‌وه‌یش ته‌ئكید كردگه ك ئه‌نبار و ناوچه‌یلتر ژێر كونتروڵ داعش تاماوه‌ێ فریه‌ێگ له ده‌س ئه‌و ڕێكخراوه ئه‌مینی.
