گەشتوگوزاری خانەقین کەفێدە وەر زەرەد گەورایگ
شەفەق نیوز/ قەزای کوردنشین خانەقین، کەفتە وەر زەرەدیگ لەلایەن کەرت گەشتوگوزاری و داهاتەیل گەورایگ لەوەر ریکارەیل ڤایڕۆس کۆڕۆنا لەدەسدا.
سەمیر سەردار وەڕێۆبەر گەشتوگوزاری خانەقین سەروە هەرێم کوردستان ئەرا ئاژانس شەفەق نیوز وت: زەرەدەیل کەرت گەشتوگوزاری و ئابووری لە خانەقین رەسیە ٨٥% وەرانوەر جارەیل وەرجە پەتای کۆڕۆنا، لەوەر وازهاوردن مەردمەگە لە سەردانکردن خانەقین لەماوەی جەژنەیل ساڵانە.
یونس دیاری کرد ک هەڵپڕکانن و شیوانن لە بڕیارەیل قەیەغەی هاتووچگن ناوای هاتن مەردمەگە لەی جرژنە گرد، ومەزەنە بوی ک بڕەیل فرەیگ لە دیالە و ناوچەیل کوردستان ئەرا جەژن وەرەو خانەقین بان.
لەلای خوەییش یوسف ئیبراهیم وەڕێۆبەر راگەیانن خانەقین ئەرا ئاژانس شەفەق نیوز دووپات کرد ک پلان جەژنەگە وەگورەی نەخشەی خوەی وەڕیەو چوود هەرچەن سەردانکەرەیل کەمن، وپلانە ئەمنیەگە لەناوچە وشوونەیل گەشتوگوزاری وە شیوەی خاسیگ وەڕیەو چوود وەگەرد پابەندبوین خەڵکەگە.
ئیبراهیم نشان دا ک کەرت تایبەت و بازاڕە بازرگانیەکان لە خانەقین لەدویای پویچەڵکردن قەیەغەی هاتووچگنەگە هەناسەی کیشان، و باس ئەوەیش کرد ک وەرجەیە خاوەن دوکانەیل و بەرژەوەنیە بازرگانییەیل وساننیگ ناڕەزایی کردن تا ئەو قەیەگە ک زەرەد رزقیان لە ماوەی جەژن دەێد پویچەڵ بکریەێد.
