گشتیان لە یەک خیزان.. کوشیان و زەخمداری ٥ کەس وە رویداویگ هاتوچو لە سەڵاحەدین
2022-08-27T11:16:15+00:00
شەفەق نیوز/ سەرچەوەیگ ئەمنی لە سەڵاحەدین، ئمڕوو شەممە، خەوەردا لە کوشیان و زەخمداری ٥ کەس لە یەک خیزان ژنیگیش هاناویان، وە رویداویگ هاتوچو لە دەورگرد قەزای شرقات باکوور پارێزگاگە.
سەرچەوەگە ئەرا ئاژانس شەفەق نیوز وت: ژنیگ گیانی لەدەسدا، و شویەگەی ومناڵەیلی زەخمدار بوین، دویای پلیان ماشینان لەوەر تەقیان پاچگیگ ک دالە پایەیگ کارەبا، لەبان ری ئاوای جەمیلە.
سەرچەوەگە وتیش: هیزیگ ئەمنی زەخمدارەیل ئەرا خەسخانەی نزیکیگ رەسان، و تەرمەگە ئەرا پزشک دادوەری کلکرد، و دەسەڵاتەیل هاتوچو لێکۆڵینەوە لە رویداوەگە واز کردن.
