شاندیگ ئەمنی وحکومەتی عراق سەردان سنوور ئیران کەێد..وینە
شەفەق نیوز/ شاندیگ سەربازی و ئەمنی وحکومەتی، ئمڕوو چوارشەممە، رەسیە مەرز مەنزەریە لە قەزای خانەقین، ئەرا باسکردن لە ئامادەیی ئەرا پیشوازیکردن لە زیارەتچیەیل ئیران وەگورەی رێککەفتنیگ لەناوبەین هەردوگلا.
سەرچەوەیگ ئەرا ئاژانس شەفەق نیوز وت: هەرلە فەریق یەکەم روکن عەبدولئەمیر شمەری جیگر فەرماندەی ئۆپراسیۆنەیل هاوبەش، و عومەر وائلی سەرۆک دەزگای مەرزەیل سنووری، و وەڕیەوبەر ئۆپراسیۆنەیل حەشد شەعبی، و جیگر فەرماندەی هیزەیل هشکایی، وبڕیگ لە فەرماندەیل ئەمنی لەناو ئەو شاندە بوین، وەگەرد ئامادەبوین فەرماندەی ئۆپراسیۆنەیل دیالە و وەڕیەوبەر پۆلیس دیالە و فەرماندەی حەشد شەعبی لە دیالە و وەڕیەوبەر مەرزەگە.
دیاری کرد ک ئامانج ئی سەردانە ئەرا نووڕستن پلان ئەمنی و لۆجستیکی ڕێکخستن وەناوهاتن زیارەتچیەیل ئیران هات، وە بڕەیلیگ رووژانە ک وەرجەیە لەبانی ڕێک کەفتنە لەناوبەین لایەن عراق و ئیران.
لەلای خوەییش، شانەی راگەیانن ئەمنی لە بەیاننامیگ رەسیە ئاژانس شەفەق نیوز وت: جیگر فەرماندەی ئۆپراسیۆنەیل هاوبەش، وەیاوەری شاندیگ ئەمنی وحکومەتی، ئمڕوو، سەردان مەرز مەنزەریە کردن، و دیاری کرد ک سەرادنەگە ئەرا نووڕستن ریکارەیل ئەمنی لە مەرزەگە هات ئەرا پیشوازیکردن لە زیارەتچیەیل ئەربەعین ئیمام حسێن. .
