شانەی قەیرانەگە لە پەرلەمان داوای جوولەی زوینەیگ کەێد ئەرا دابینکردن کیسەی خوەین ئەرا بیمارەیل تەلاسیمیا
شەفەق نیوز/ جەواد موسەوی بڕیارکار شانەی قەیرانەگە لە پەرلەمان، ئمڕوو شەممە، داوا لە وەزارەت تەندروسی کرد وە زوی جوولە بکەێد ئەرا دابینکردن کیسەی خوین ئەرا بیمارەیل تەلاسیمیا.
موسەوی لەبەیاننامەیگ رەسیە ئاژانس شەفەق نیوز وت: کەموکوڕی دیاریگ هەس لە وەزارەتەگە ک چەودیریی کردیمن لە مەوقەی گڕخواردنمان لە بانک خوین لە شار سەدر، هەمیش لە ناوەند تەلاسیمیا لە خەسەخانەی ئیبن بەلەدی، و دیاری کرد کتاویگ فەرمی ئەوەسا رەوانە کریەێد ئەرا وەزارەتەگە ئەرا کردنەوەی لێکۆڵینەوەیگ لەی باوەتە لە ماوەی ٢٤ ساعەت ئەرا زانستن لە هووکارەگان وسزادان کەموکوڕی کارەیل.
موسەوەی سەرسامبوی لە خەسەوکردن گشت رەنجەگان لە کەرت تەندروسی ئەرا نواگردن پەتای کۆرۆنا، و هیشتن بیمارەیل تەلاسیمیا لەنووای مەرگ و زەلیل کردن خاوەنەیلیان لە داواکردن وە مافەیلیان ک دەستور دابینی کردگە وەژیانیگ وەسەربەرزی.
