شارەیلیگ عراق ئەرا ناو لیست گەرمترین ناوچەیل جەهان گلەو خوەن
![شارەیلیگ عراق ئەرا ناو لیست گەرمترین ناوچەیل جەهان گلەو خوەن](https://media.shafaq.com/media/arcella/1725270207718.jpg)
وێستگەی پلاسەرڤیل لە ویلایەت کالیفۆرنیای ئەمریکا خشتەی ١٥ ناوچە و شار جەهانی بڵاوکرد کە بەرزترین پلەی گەرمی لە جەهان توومارکردنە لە ماوەی ٢٤ ساعەت گوزەشتە.
لەو خشتە دەرکەفتگە کە شار “مینا” لە سعودیە بەرزترین پلەی گەرمی لە جەهان توومارکردگە کە ٤٦ پلەی سەدی بویە، لە دویای ئەویش شار “سافی ئاباد” لە ئیران ەە ٤٥.٦ پلە و شار “ئەهواز” لە ئیران هاتە پلەی سێیەم وە پلەی گەرمی 45.4 پلەی سەدی، شار ئامادیەی ئیرانیش کەفتە پلەی چوارەم وە پلەی گەرمی 45.2 پلەی سەدی، و شاری عمارە کە ناوەند پارێزگای میسانە لە عراق پلەی پەنجەم بویە بەسب وە پلەی گەرمی 45 پلەی سەدی.
وەگورەی خشتەگە شار “مەرمول” لە عەممان کەفتە پلەی شەشەم وە پلەی گەرمی 44.9 پلەی سەدی، “ئێجیدۆ نویڤۆ لیۆن” لە مەکسیک لە پلەی هەفتەم وە 44.8 پلە، ئیجا شار “فاو” لە پارێزگای بەسرەی عراق هاتە پلەی هەشتەم وە پلەی گەرمی 44.4، ئیجا فڕۆکەخانەی ناودەوڵەتی کوێت لە کوێت لە پلەی نۆهەم ئاستی وە 44.4 پلەی سەدی.
“ناسریە”، ناوەند پارێزگای زیقار لە عراق، لە پلەی دەهەم وە پلەی گەرمی 44.4 پلەی سەدی، ئیجا قەزای “عەلی ئەلغەربی” لە پارێزگای میسان لە عراق لە پلەی 11 تیەێد وە پلەی گەرمی 44 پلەی سەدی، ئیجا “ قەزای بەدرە” لە پارێزگای واست لە عراق پلەی لە دوانزەهەم وە پلەی گەرمی 44 پلە، و گەڕەک “الحسێن” لە شار بەسرەی عراق کەفێدە پلەی 13 وە پلەی گەرمی 44 پلەی سەدی، لە دوای ئەویش شار “خانوج” لە ئیران لە پلەی ١٤ ەە پلەی گەرمی ٤٤ پلەی سەدی، و لە دویای ئەویش شار “ئەلئیحسا” لە سعودیە کەفتە دویاترین پلەی لیستەگە وە پلەی گەرمی ٤٣.٩ پلەی سەدی.
دویەکە یەکشەممە، شارەیل عراق، ئەرا یەکەمجار لە سەرەتای ئی وەرز تاوسانە، لیست گەرمترین شارەیل جەهان وەجیهیشتن لە ماوەی ٢٤ ساعەت گوزەشتە.