شابه‌نده‌ر له‌باره‌ى كانديدكردنى ئه‌را جيگره‌وه‌ى عه‌بدولمه‌هدى ئاشكراكردنيگ دا

شابه‌نده‌ر له‌باره‌ى كانديدكردنى ئه‌را جيگره‌وه‌ى عه‌بدولمه‌هدى ئاشكراكردنيگ دا
2019-11-30T10:35:54+00:00

شه‌فه‌ق نيوز/ عزه‌ت شابه‌نده‌ر ئه‌ندام وه‌رين ئه‌نجومه‌ن نوێنه‌ره‌يل عراقى، كانديدكردنى ئه‌را پۆست سه‌رۆك وه‌زيره‌يل خسته‌ دروو، ئه‌ويش دوياى ئه‌وه‌گ عادل عه‌بدولمه‌هدى سه‌رۆك وه‌زيره‌يل خوازياره‌ ده‌سله‌كاركيشانه‌وه‌ى خوه‌ى پيشكه‌ش بكا.

 

شابه‌نده‌ر له‌ توێته‌ر وت: بڕيگ له‌ ماڵپه‌ڕه‌يل په‌يوه‌ندى كۆمه‌ڵايه‌تى و بڕيگ له‌و لاپه‌ڕه‌يله‌ ك ناوم وه‌كار هاوردنه‌ باس له‌وه‌ كردنه‌ ك گوايا كانديد كريامه‌ ئه‌را پۆست سه‌رۆك وه‌زيره‌يل دوياى حكومه‌ت عادل عه‌بدولمه‌هدى.

 

شابه‌نده‌ر وت: وه‌گشت شيوه‌يگ من ئه‌و هه‌واڵه‌يل ئه‌خه‌مه‌ دروو و جه‌خت له‌وه‌يش ئه‌كه‌م ك ده‌سله‌كاركيشانه‌وه‌ى عه‌بدولمه‌هدى كوتايى وه‌ قه‌يرانه‌گه‌ نايه‌رێد، به‌ڵكوو دريژه‌ ئه‌كيشێد دوياى ئه‌وه‌گ تووپه‌گه‌ هاته‌و ئه‌را وازيگاى كه‌ناته‌كاره‌يل.

Shafaq Live
Shafaq Live