شەوکیان ناخوەشیگ لە ناسریە.. مامووستایگ خوەی سزنێد و دوێەتیگ خوەی وە سێدارە دەێدە

شەوکیان ناخوەشیگ لە ناسریە.. مامووستایگ خوەی سزنێد و دوێەتیگ خوەی وە سێدارە دەێدە
2021-01-14T07:25:59+00:00

شەفەق نیوز/ سەرچەوەیگ ئەمنی لە پارێزگای زیقار، ئمڕوو پەنجشەممە، خەوەردا ک مامووستایگ ئاگر خوەی دا، وهەمیش دوێەتیگ خوەنەوار لە زانکۆ خوەی وە سێدارە دا، لە رەوشەیل نادیاریگ، لە ناوڕاس شار ناسریە ناوەند پارێزگاگە.

سەرچەوەگە ئەرا ئاژانس شەفەق نیوز وت: دەزگا ئەمنیەگان خوەی ئاگردان پیاویگ لە تەمەن پەنجاگان لەناو ماڵەگەی خوەی لە گەڕەک سۆمەر لە شار ناسریە تۆمار کردن.

وتیش؛ دوێەت خوەنەواریگ زانکۆیی لە تەمەن بیسەگان، خوەی وە لەچک ژنانەیگ لەناو ژوورەگەی لە ماڵ خوەی لە ناوچەی شەرقیەی ناوڕاس شار ناسریە خوەی وەسێدارە داگە.

سەرچەوەگە دیاری کرد ک دوو خوەیکوشتنەگە لە رەوشەیلیگ نادیار بوینە، و هێزە ئەمنیەگان دەورگرد شوونەیل دوو رووداوەگە گردن، و دوو تەرمەگە ئەرا پزشک دادوەری بردن تا ریکارە یاساییەگان تەواو بکریەن.

Shafaq Live
Shafaq Live