شەپۆل چوارەم رەوش پەتاگە لە عراق شیونێد
شەفەق نيوز/ وەزارەت تەندروسی و ژینگەی عراق، ئمڕوو دووشەممە، بەیاننامەیگ دەرکرد،لەناوی باس رخی لە بنچینەیل ئاڵشتبۊی کۆڕۆنا لە جیهان کرد، و ئەوەگ چوارەم شەپۆلەگە لە هەژمارەیل پەیمانەیی لە تۊشهاتنەیل بەشیگ لە دەوڵەتەیلە کەێد.
وەزارەتەگە لە بەیاننامەیگ رەسیە ئاژانس شەفەق نیوز وت: وەزارەت تەندروسی لە نزیکەو نووڕێدە رەوش پەتای جیهانی، ک چەن دەوڵەتیگ لە رووژەیل گوزەیشتە بەرزەوبۊن بیوەرینیگ لە شمارەی تۊشهاتنەیل و مردنەیل توومار کردن، وەگەرد ئاستەیل بەرز ئەو دەوڵەتەیلە لە واکسینگردن مەردمەیلیان.
شمارەی تۊشهاتنەیل بەریتانیا و رووسیا وەشیوەی زۊییگ وەگەرد شمارەی مردنەیلیش بەرزەو بۊی، وەگەرد بەڵگەیلیگ لە دەرکەفتن ئاڵشتبۊی نوویگ لە ڤایرۆس کۆڤید-١٩، ک هەڕەشەی بڵاوبۊن ئی بنچینەی نووە وەرەو ئەو دەوڵەتەیل جیهان دەێد.
لەی باوەتە، وەزارەت تەندروسی و ژینگەی عراق، نلە بەیاننامەگەی دووپات کرد ک دۊیر نییە لەئەنجام ئەو ئاڵشتبۊی بنچینەییە لە ڤایرۆسەگە شەپۆل چوارەم بوود،و و وەگەرد کارەیل هاوکار لە خراوبۊین رەوش پەتاگە لە عراق، لەوەر پابەند نەۊین خەڵکەگە وە ریکارەیل تەندروسی، و هەمیش لەوەر ئەوە ک واکسینەگە وە ئاست گەورەیگ نەوریاگە، و دووپات کرد ک ئەوە گشتی نوقڵانەی بەرزەوبۊن تۊشهاتنەیلە دەێد، ک شایەت سەخت بوود و هەڕەشەی سیستەم تەندروسی بەێد.
وەزارەتەگە دووارە دووپات کرد ک تەنیا رییگ ئەرا نواگردن شەپۆلەیل پەتاگە خوەی وەدەسهاوردن ئاست گەورەیگە لە واکسینگردن کۆمەڵگایە، ک وەداخەو تا ئیسە نەڕەسیەسە ئەو ئاستە ک مەترسی خراوبۊین رەوش پەتاگە نێخەێدە لا.
