شەپۆل نوویگ لە وەفرو واران رۊ کەێدە شارەیل عراق
![شەپۆل نوویگ لە وەفرو واران رۊ کەێدە شارەیل عراق](https://media.shafaq.com/media/arcella/1643187938765.jpg)
شەفەق نیوز/ شارەزای کەشناسی ناودیار سادق عەتیە، ئمڕوو چوارشەممە، باسکرد، لە کۆتایی ئی هەفتە شەپۆل نوویگ لە واران و وەفر رۊی کەێدە ناوچە و شارەیل عراق وەتایبەت لە هەرێم کوردستان، وتا نیمەی هەفتەی ئایندە وەردەوامبوود، وتیش ئی شەپۆلە سوکترە لەوەگ وەرین و پلەیل گەرمی وەگەردی داوەزێد ئەرا ئاستیگ پەێمانەیی.
عەتیە لە پۆستیگ لە تووڕ کۆمەڵایەتی فەیسبوک وت: " ئەورەیلە لە نیمەڕو ئمڕوو لە بڕیگ شارەیل باکوور و باشوور و فورات ناوراس و پایتەخت و دیالە ئامادەبۊن". وتیش؛ ئمڕوو واران سوکیگ ناوچەیل دهۆک وباکور نەێنەوا گرێدەو
هەمیش وت، دەرفەت واران خاسترەو بوود لە شەوەکی و نیمەڕو پەنجشەممە واران وەگەرد ئەورە تریشقە رۊی کەێدە نەێنەوا و دهۆک و هەولێر و سلێمانی و کەرکوک و سەڵاحەدین و دیالە.
وتیش: "مەزەنەی نمە وارانیگ لە نیمەڕو ئمڕوو لە بەسرە هەس، و شایەت شەفەق پەنجشەممە نمە وارانیگ ناوچە جیاوازەیل شار بەسرە و باشوور میسان بگرێدەو".
باس ئەوەیش کرد، لە رووژ پەنجشەممە وەفریگ سووک وارێد لەناوچەیل کۊیەیلە لە باکور وڵات و گشت ناوچەیل ک بەرزیەگەیان رەسێدە 600-800 مەتر لەبان ئاست دەریا.
هوشداری دا، واران فرەیگ لە هەولێر و بڕیگ لە ناوچەیل موسڵ وارێد و بایەتە هوشدار بوون ، و مەزەنەێ وەفر ئەرا شار موسڵ نییە. کەشناسەگە مەزەنەیش کرد، شەوەکی رووژ جومعە واران لە دهۆک و هەولێر و سلێمانی و باکور نەێنەواو خوەرئەڵات کەرکوک وەردەوامە وەگەرد وارین وەفر لە ناوچە کۊیەیلە.
هوشداری دا ک " شەپۆلیگ خوەڵوارین لەوەر گورجی هەوای خوەرئاوایی لە ئەنبار بوودە مدووی کەمکردن مەودای دۊنین لە شەوەکی پەنجشەممە تا نیمەڕووی رەسێدە شارەیل ناوراس و ناوراس فورات".
عەتیە وتیش، " پلەیل گەرمی داوەزێد لە رووژ جومعە و شەپۆل سەردیەگە سووکترە لە شەپۆلەگەی گوزەشته، پیشبینی کریەێد بوود ئەرا ماوەی دو رووژ وەردەوام بوود، و لە رووژ دوشەممە کۆتایی تیەێد، جارێگتر بەرزەو بوود".