شەپۆلیگ سەردی و واران و وەفر عراق گرێدەو
شەفەق نیوز/ پسپۆر کەشناسی سادق عەتیە ئەرا مەزەنەی کەشوهەوا وت، شەپۆل سەردی و واران رۊی کەێدە پارێزگایەیل هەرێم کوردستان و شمارەیگ لە ناوچە و شارەیل عراق لەماوەی دو رووژ ئایندە.
عەتیە لە لەبان تووڕ کومەلایەتی، ئمڕوو پەنجشەممە، نۊسان: شەپۆل سەردیەگە لە شارەیل عراق بوودە مدووی داوەزین وەرچەویگ لە پلەیل گەرمی، لە رووژ دوشەممەی هەفتەی ئایندە داوەزینەگە رەسێدە لوتکە، وەرجە ئەوە لە رووژەیل پەنجشەممە و جومعە شەپۆلیگ گەرمی تیەێد.
دیاریکرد، وارینەگەی رووژ پەنجشەممە دهۆک، سلێمانی، هەولێر، گرێدەو، وەگەرد وەفر وارین لە بەرزایەیلە.
وتیش؛ وارنەگەی جومعە گشت ناوچەیل هەرێم کوردستان وەگەرد سەلاحەدین، و دیالە، و ئەنبار، بەغدای پایتەخت گرێدەو. هوشداری شەپۆلیگ لە تووز و خوەڵ دریەێد ک لە نیمەروو رووژ جومعە لە خوەرئاوای وڵات وە ئاراستەی شارەیل ناوراس و باشوور بوود.
