شەش نوێنەر ناودەوڵەتی سەردان عراق کەن ئەرا مینەکردن ئاسەوار لە زیقار
2024-02-10T08:38:25+00:00
شەفەق نیوز/ وشکنەر ئاسەوار زیقار، ئمڕوو شەممە، ئاشکەرایکرد، نزیکەی 6 نوێنەر جەهانی مینەکەر رەسینەس ناوچەیگ ئاسەواری لەپارێزگاگە کە کەفێدە باشوور عراق.
وەڕێوەبەر وشکنەر، شامل رەمیز وە ئاژانس شەفەق نیوز وت "پارێزگای زیقار لە کۆتایی ئێ مانگە تا سەرەتای مانگ ئایندە، 6 نوێنەر جەهانی مینکردن رەسنە ناوچەیگ ئاسەواری لە پارێزگاگە ئەرا تەواوکردن ئەو کارەی کە لە ماوەی وەرین وەلایەن ئێ نوێنەرەیلە دەسوەپی کریاوێد".
ئاشکەرایکرد "نوێنەرەیلە هەڵگر ناسنامەی ئیتالیا و فەرەنسا و ئەمریکا و بەریتانیان"وتیش "لە دیارترین ناوچەیلیگ کە هەڵیکەنن بریتیە لە : ئەریدۆ و تل زرغەل، ولگش، و لارسا، و گرسو لەناوچەی ناوڕاس و باکوور زیقار".
زیقار نزیکەی 1200 شوین ئاسەواری گرێدەخوەی کە فرەیگیان گلەووەن ئەرا زنجیرە شارستانیەتەیل سۆمەری و ئەکەدی و بابلی و ئەخیمینیەگان و فارسیە و ساسانی و سەردەم ئیسلامی.
