شەش شار عراق لەناو لیست گەرمترین ناوچەیل جەهان
![شەش شار عراق لەناو لیست گەرمترین ناوچەیل جەهان](https://arcellabucket.fra1.cdn.digitaloceanspaces.com/media/arcella/1725696860930.jpeg)
شەفەق نیوز/ ئمڕوو شەممە، 6 ناوچەی عراق بەرزترین پلەی گەرمی لە جەهان لە ماوەی 24 ساعەت گوزەشتە توومار کردن.
وێستگەی پلاسەرڤیل لە ویلایەت کالیفۆرنیای ئەمریکا خشتەی ١٥ ناوچە و شار جەهانی بڵاو کرد کە بەرزترین پلەی گەرمی لە جەهان توومار کردنە لە ماوەی ٢٤ ساعەت گوزەشتە.
لە خشتەگە دەرکەفت کە شار “هێرمۆسیلۆ” لە مەکسیک بەرزترین پلەی گەرمی لە جەهان توومار کرد کە ٤٦.٥ پلەی سەدییە، لە پلەی دویەمیش “عەبادان” لە ئیران وە ٤٦.٤ پلەی سەدی، لە پلەی سێیەمیش شار “ عمارە” لە عراق، ەە پلەی گەرمی 46.2 پلەی سەدی، ئیجا فڕۆکەخانەی ناودەوڵەتی بەسرە لە پلەی چوارەم تیەێد وە پلەی گەرمی 46.2 پلەی سەدی، و شار ئامادییە لە ئران کەفتە پلەی پەنجەم وە پلەی گەرمی 46.1 پلەی سەدی.
وەگورەی خشتەگە، فڕۆکەخانەی ناودەوڵەتی کوێت لە کوێت وە پلەی ٦ 45.9 پلەی سەدی هاتە پلەی شەشەم، و شار ناسریە لە عراق وە پلەی گەرمی 45.8 پلەی سەدی کەفتە پلەی هەفتەم، ئیجا شار فاو لە عراق لە پلەی هەشتەم وە پلەی گەرمی 45.7 پلەی سەدی، شار سەفیائاباد لە ئیران کەفتە پلەی نۆهەم وە پلە گەرمی 45.5 پلەی سەدی.
شار "عەلی غەربی" لە عراق هاتە پلەی دەهەم وە پلەی گەرمی 45.1 پلەی سەدی، و لە دویای ئەویش ناوچەی "ئەحواز" لە ئیران لە پلەی 11 تیەێد وە پلەی گەرمی 44.9 پلەی سەدی، ئیجا شار "سەماوە" لە عراق هاتە پلەی ١٢ وە پلەی گەرمی ٤٤.٩ پلەی سەدی، لە شوینی فڕۆکەخانەی ناودەوڵەتی فەهد لە سعودیە پلەی ١٣ی بویە بەشی وە پلەی گەرمی ٤٤.٨ پلەی سەدی، لە دویای ئەویش “خانووک” لە ئیران لە پلەی وە پلەی گەرمی ٤٤.٧ پلەی سەدی، دوای ئەویش شار “ئەلئەحسا” لە سعودیە لە پلەی کۆتایی تیەێد کە پلەی گەرمی 44.5 پلەی سەدییە.