شکستهاوردن وە پەلاماریگ لەلایەن داعش و گورزیگ ناودەوڵەتی لەبان چەکدارەیلیگ لە دوو پارێزگای عراقی
شەفەق نیوز/ سەرچەوەیگ ئەمنی، ئمڕوو شەممە، خەوەردا لە شکستهاوردن وە پەلاماریگ لەلایەن ریخریاگ داعش لە خوەرهەڵات سەڵاحەدین، و هەمیش فڕۆکەیل هاوپەیمان ناودەوڵەتی بمباران حەشارگەیگ ئەرا چەکدارەگان ریخریایەگە لە بنارەیل کویەیل مەکحوول لە نەینەوا کردن.
سەرچەوەگە ئەرا ئاژانس شەفەق نیوز وت: کۆمەڵەیگ لە داعش پەلامار خاڵەیلیگ ئەمنی سەروە لیوای ٨٨ لە حەشد شەعبی لە ناوچەی فەتحە لە سەڵاحەدین دان، و لیواگە ئەرا چەن ساعەتیگ کەفتە رویوەڕوبینیان تا پەلاماردەرەگان وەرەو شوون نادیاریگ واین.
سەرچەوەگە وتیش: هیچ زەرەد و زەخمداربوینیگ لە پەلامارەگە نەویەو، و هەمیش لە لایەن ریخریایەگە هیچ نەویە.
لە چینیگ پەیوەندیدار، خود سەرچەوەگە دیاریکرد ک فڕۆکەی هاوپەیمان ناودەوڵەتی گورزەیلیگ ئاسمانی داگە یەکیک لە حەشارگەیل ریخریاگ داعش لە بنارەیل کویەیل مەکحوول لە پارێزگای نەینەوا، و دیاریکرد ک گورزەگان لە دویای رەوانگەکردن جوولەی کۆمەڵەیگ لە ئەندامەیل داعش لەدەورگردە کویەیل مەکحوول هات، وەبی ئاشکراکردن لە ئەنجامەیل گورزە ئاسمانیەگان.
