"شۆرتیگ کارەبایی" ئاگر ماڵەیليگ دەێد لە خوەرهەڵات بەغداد (ڤیدیۆ)
شەفەق نیوز- بەغداد
سەرچەوەیگ ئەمنی، شەفەق ئمڕوو سێشەممە، خەوەردا لە هیزگردن ئاگریگ کە رەسیەسە ماڵەیلیگ لە ناوچەی تاڵبییە لە خوەرهەڵات پایتەخت بەغداد، لە وەختیگ تیمەیل وەرگری شارستانی تۊنستن وەرد رووداوەگە رەفتار بکەن بی تومارکردن زەخمداری گیانی.
سەرچەوەگە ئەرا ئاژانس شەفەق نیوز وت، کە ئاگرەگە لە سەرەتا لەبان خانگ یەکیگ لە ماڵەیل هیز گرد کە کەفێدە پشت شوقەیل تاڵبییە، لەناو شوینیگ کە تەرخان کریاگە ئەرا ئیوەتکردن باڵندە، لە ئەنجام شۆرتیگ کارەبایی، وەرجە ئەوەگ ئاگرەگە بڕەسێدە ماڵیگ هاوسا.
وتیش کە تیمەیل وەرگری شارستانی، وە پاڵپشتی دەوریەیل پولیس رەسینە شوین رویداوەگە و کار کردن ئەرا کپەوکردن ئاگرەگە و ریگریکردن لە فراوانبۊنی.
وەپەی سەرچەوەگە، ئاگرەگە تەنیا بۊەسە مدوو زەرەدەیلیگ ماددی بی تومارکردن زەرەد گیانی، لە وەختیگ زانیارییە سەرەتاییەیل نشان دەن کە رویداوەگە قەزایی بۊە و لە ئەنجام شۆرتیگ کارەبایی کەفتەسەو.
