شۆک...ئاشکەراکردن ناسنامەی بکوش ئەندام پێشمەرگەگە و داڵگی لە خانەقین

شەفەق نیوز/ سەرچەوەیگ ئەمنی لە خانەقین، خەوەردا، هیزەیل ئەمنی بکوس پێشمەرگەگە و داڵگی دەسگیرکردن.

سەرچەوەگە وە ئاژانس شەفەق نیوز وت، هیزەیل پۆلیس وە هەماهەنگی وەگەرد دەزگای هەواڵگێری توەنستن بکوش ئەندام پێشممەرگەگە و داڵگی لەماڵیان لە گەرەک بەختیاری یەکەم دەسگیر بکەن.

ئاشکەرایکرد، بکوشەگە برای ئەندامەگەس و کوڕ ژنە قوربانیەگەس، وتیش، بکوشەگە تەنگەژەی بژێوی و گرفت دارایی و پاڵپشتی نەکردن داواکاریەیل ژیانی وەلایەن برا و داڵگی جویر  پاساو تاوانەگەی هاوردیەسەو.

سەرچەوەگە وتیش، وەپای دانوەپینان بکوشەگە تواستیە براگەی بترسنێد و پەستان بخەێدە بانی باوجی وە گولە زەخمداری کردیە هەناێ داڵگی وە رەو روی چوود تەقە لەویش کەێد.

دووپاتکرد، ‌وشکین خوین ئەرا بکوشەگە کریەێد تا دڵنیابوون لەوەگ مادەی هوشبەر وەکارناوردیەب ک  بویەسە هوکار ئی تاوان قیزەوەنە.