سوپای عراقی کۆنترۆل "تەواو" شنگال کە تا سنوور سوریا رەسێد راگەیان

شەفەق نیوز/ فەرماندەیی ئۆپراسیۆنەیل خوەرئاوای نەینەوا، ئمڕوو دووشەممە، راگەیان هێزەیل عراقی وە تەواوی کۆنترۆل قەزای شەنگال و ناوچەی جەزیرە لە نەینەوا کردنە، تا رەسێدە سنوور سوریا.

لیوا روکن عەلی فازل عومران سەرکردەی ئۆپراسیۆنەیل خوەرئاوای نەینەوا وە ئاژانس شەفەق نیوز وت؛ "هێزەیل عراقی  کنترۆل تەواو قەزای شەنگال و ناوچەیل دەوری کردیە کە تا سووریا درویژەوبوود، جویر دویرگەی بەعاج و دورگەی حەزر".

دیاریکرد "کەرتەیل پۆلیس عراقی و پۆلیس و پاسەوان سنووری و حەشد شەعبی وە شیوەی تەواو کۆنترۆل کر سنووری وەرد سووریا کردنە، کە 265کم درویژەوبوود لە چوارچمگ پارێزگای نەینەوا".

دووپاتکرد بارودۆخ ئەمنی شەنگال خاسەوبوین گەپیگ وەخوەی دیە، زیاتر لە 11 هەزار خێزان ئەرا قەزا و ئاوایەیل و سەر وەپی گلەوخواردنە.