سه‌ڵاحه‌دين"سامان فريه‌يگ"ئاشكرا كرد و داواى وه‌به‌رهاوردنى ئه‌كا
شه‌فه‌ق نيوز/ ئداره‌ى ناحيه‌ى ئسحاقى له باشوور سه‌ڵاحه‌دين، داوا له حكومه‌ت ناوه‌ندى و لايه‌نه‌يل په‌يوه‌نديدار كرد چاڵه‌يل نه‌فتى باشوور خوه‌رئاواى ناحيه‌گه بارنه به‌رهه‌م ك وه سامان فريه‌يگ ناوى برد.
له‌ى باوه‌ته‌و، جاسم محه‌مه‌د ئه‌لبزه‌يع وه‌ڕيه‌وبه‌ر ناحيه‌گه ئه‌را شه‌فه‌ق نيوز وت: 7 چاڵه نه‌فتى له ناوچه‌ى جزيره‌ى فه‌رحانيه له باشوور خوه‌رئاواى ناحيه‌ى ئسحاقى و نزيك له مه‌رزه‌يل پاريزگاى ئه‌نبار وجوود ديرن و ئاماده‌ن ئه‌را وه‌به‌رهاوردن هه‌ر له‌ساڵه‌يل هه‌يشتاى سه‌ده‌ى وه‌رينه‌وه‌و له‌وسا تائيسه‌يش مقه‌يه‌تى له‌ليان كرياگه.
جى باسه، ئه‌لبزه‌يع باس له‌وه‌يش كرد كۆمپانيايگ فره‌نسى كاره‌يل دامه‌زرانن لويله‌كه‌شى ئه‌را سه‌دان مه‌تر ئه‌نجام داگه‌و ئاماده‌يان كردگه‌و بان ئه‌و چاڵه‌يشه وه كۆنكريت به‌ساگه‌و هه‌ر وه‌و خاتريشه داوا كرد و ه گورجترين وه‌خت باريه‌نه به‌رهه‌م.
