سه‌يوان بارزانى جوور باڵيۆز عراق له پورته‌غال دامه‌زريا
2019-07-20T20:35:11+00:00
شه‌فه‌ق نيوز/ وه‌زاره‌ت خارجيه‌ى عراقى ئاشكراى ئه‌وه كرد سه‌يوان سابر بارزانى، روينويسيگ له كارنامه‌يلێ جوور باڵيۆز هه‌ميشه‌يى عراقى له كۆمار پورته‌غال پيشكه‌ش كرده‌سه مارسيلۆ ريپيلۆ دى سوزا سه‌رۆك كۆمار بورته‌غالى.
وه‌زاره‌ته‌گه له به‌ياننامه‌يگ وت: باڵيۆز له سه‌ره‌تاى ديدارى ك له كوشك كۆمارى له له‌شبۆنه‌ى پايته‌خت وه‌ڕيه‌و چيه ئوميد ئه‌را په‌ره‌داين وه په‌يوه‌نديه‌يل و وازكردن ئاسوو تازه‌يگ ئه‌را هاوكارى كردگه له‌ناونى هه‌ردوگ وڵات.
لاى خوه‌ييشه‌و/ سه‌رۆك كۆمار پورته‌غال پيرووزبايى له باڵيۆز تازه‌ى عراق له ده‌وڵه‌ته‌گه‌ێ كرد و ئوميد ئه‌وه خواست په‌يوه‌نديه‌يل دولايه‌نه‌ى ناونى هه‌ردوگ وڵات له سه‌رجه‌م بواره‌يل سياسى و ئابوورى و رووشنهويرى په‌ره بسينێد.
