سه‌رۆك كۆمار: سه‌رۆك وه‌زيره‌يل رازى بويه له‌بان ده‌س له‌كاركيشانه‌وه‌ى
2019-10-31T18:29:07+00:00
شه‌فه‌ق نيوز/ به‌رهه‌م ساڵح سه‌رۆك كۆمار عراقى، ئاشكراى ئه‌وه كرد عادل عه‌بدولمه‌هدى سه‌رۆك حكومه‌ت رازى بويه ده‌س له‌كاركيشانه‌وه‌ى خوه‌ى پيشكه‌ش بكا، وه‌لێ داواى جيگره‌وه‌يگ په‌سه‌نكرياێ ئه‌كا له چوارچيوه‌ى ده‌ستوور.
ساڵح له وتاريگ وت: براى به‌رێز سه‌رۆك وه‌زيره‌يل ره‌زامه‌نى ده‌رخستگه له‌بان پيشكه‌شكردن ده‌س له‌كاركيشانه‌وه‌ى و داوايش له فراكسيۆنه‌يل سياسى كردگه ته‌فاهوم له‌بان جيگره‌وه‌يگ به‌ديل و په‌سه‌نگرياێ بكريه‌ێد له‌ساى پابه‌ندبوين وه خاڵه‌يل ده‌ستوورى و ياسايى له‌وه‌ر نواگيرى له بۆشايى ده‌ستوورى.
ساڵح يه‌يش خسته‌ڕوێ وه‌گشت شيوه‌يگ ها وه‌ل خوه‌ينيشانده‌ره‌يل و خوى چه‌ودێرى ئه‌و په‌يجووريه‌يله ئه‌كا ك بوينه‌سه هووكار دروسبوين قوربانى له خوه‌ينيشانداينه‌يل.
